Spanja kalon në epërsi ndaj Gjermanisë me golin e Dani Olmos

Kombëtarja e Spanjës ka kaluar në epërsi me rezultat 1-0 ndaj Gjermanisë në sfidën që po zhvillohet në kuadër të fazës çerekfinale të Euro 2024.

Spanja pati rastet më të mira të shënimit në pjesën e parë, ndërsa përpjekjet e tyre të njëpasnjëshme për gol më në fund u shpërblyen në pjesën e dytë.

Ishte Dani Olmo ai i cili realizoi për 1-0 në minutën e 53-të pas asistimit të Lamine Yamal duke bërë që tifozët spanjollë të shpërthejnë në festë.

Mbetet të shihet se cili do të jetë reagimi i Gjermanisë, teksa kujtojmë se tekniku Julian Nagelsmann ka në bankën rezervë lojtarë që mund të bëjnë diferencën.

/Telegrafi/