Kombëtarja e Spanjës ka arritur kualifikimin në finale të Euro 2024 pasi mposhti me rezultat 2-1 kombëtaren e Francës në gjysmëfinale.
Rasti i parë për gol i takoi Spanjës që rrezikuan në minutë e pestë përmes Fabian Ruiz i cili me kokë ishte pranë shënimit.
Franca arriti të kalojë në epërsi në minutën e nëntë me anë të Randal Kolo Muanit i cili u asistua nga Kylian Mbappe për rezultatin 1-0.
MBAPPE ASSIST TO KOLO MUANI WE ARE SO BACKKK🇫🇷🇫🇷🇫🇷🇫🇷🇫🇷
pic.twitter.com/u9ZJa6qb49— ℒ⋆ (@kyliancore) July 9, 2024
Nuk vonoi shumë dhe erdhi reagimi i Spanjës që arritën të shënojnë dy gola të shpejtë për të rikthyer avantazhin në të mirë të tyre.
Fillimisht për të barazuar rezultatin në 1-1 u përkujdes Lamine Yamal (21’) që shënoi një super gol nga distanca.
Stop that Lamine Yamal. pic.twitter.com/WNuax2D0FF
— Stop That Football (@stopthatfooty) July 9, 2024
Goli i dytë dhe ai që i solli kualifikimin Spanjës u shënua në minutën e 25-të, ku goditjen e Dani Olmos e devijoi në portë Jules Kounde për 2-1.
2-1 Spain.
KOUNDE WITH AN OWN GOAL !!!!!!!!!!!! SPAIN ARE COOKING !!!!!!!!!!!!!!pic.twitter.com/HtXTwVzjKk
— Football Report (@FootballReprt) July 9, 2024
Në pjesën e dytë Spanja arriti ta menaxhojë mirë epërsinë e krijuar në pjesën e parë duke u kualifikuar kështu në finalen e Berlinit.
Spanja ishte shumë afër që të shënonte golin e qetësisë me Lamine Yamal (81’) por gjuajtja e tij e fortë për fat të mirë të francezëve përfundoi mbi portë.
Një rast të mirë shënimi e pati edhe Kylian Mbappe i cili u gjend në një situatë të favorshme përballë portës në minutën e 86-të, por gjuajtja e tij shkoi krejtësisht jashtë portës.
Finalja e madhe e Euro 2024 do të luhet më datë 14 korrik në Berlin, aty ku Spanja do të takohet me fituesin e ndeshjes Holandë-Angli që do të luhet nesër (10 korrik) me fillim nga ora 21:00./Telegrafi/