Spanja u paraqit me lojtarë si Mata, Alba, De Gea dhe Muniain, por asnjëri prej tyre nuk e bëri diferencën, pasi një gol me kokë nga Bengston mjaftoi që Hondurasi të eliminojë favoriten për medalje të artë.
Spanja ka edhe një ndeshje në Grupin D, por dy humbje radhazi do të thonë zero pikë dhe vendi i fundit për Stuhinë e Kuqe, e cila pësoi humbje edhe nga Japonia.
Ky eliminim është shokues për mbarë botën e futbollit, pasi është pritur që Spanja me lojtarët e talentuar në dispozicion të jetë lart në luftën për medaljet. /Telegrafi/