Trajneri i Interit, Luciano Spalletti, insiston se nuk i fyeu gjyqtarët te festa e golit të fitores ndaj Sampdoria, që në fund i kushtoi atij me një përjashtim.
Tekniku italian tha se ishte thjesht një festim dhe nuk ishte i dedikuar për gjyqtarët, pavarësisht se ata nëpërmjet VAR-it i anuluan skuadrës zikaltër dy gola paraprakisht.
“U ktheva nga kamera për të festuar golin dhe gjyqtari i katër më tha se ishte diçka e tepruar”, ka thënë Saplletti për DAZN.
Inter manager Spalletti sent off for this 👇.
Help me to say ridiculous https://t.co/ch4thgyYKX— Tancredi Palmeri (@tancredipalmeri) September 22, 2018
“Kjo mënyrë e të fituarit tregon karakterin e kësaj skuadre, që vazhdon të përpiqet për çdo top dhe qëndron në lojë”.
“Është pak e rrezikshme, por ne jemi Interit dhe jemi gjithmonë në kërkim të fitores”.
“Teksa shikoj këtë pasion mua më shtohet forca për të vazhduar para dhe jam i lumtur se ky element është këtu më shumë se taktikat, të cilat do të vijnë me kohë”, ka shtuar Saplletti.
Ndeshja e ardhshme e Interit është kundër Fiorentinas. /Telegrafi/
