Bosi i Interit, Luciano Spalletti, është i sigurt se Mauro Icardi do të refuzojë Real Madridin dhe do të nënshkruajë kontratë të re.
Marca raportoi të dielën se Real Madridi i ka fokusuar të gjitha forcat për të transferuar Icardin pasi shiti Ronaldon te Juventusi.
Por, La Gazzeta dello Sport shkroi ditë më aprë se Icardi është afër rinovimit dhe Spalletti ndan të njëjtin mendim.
“Ata janë profesionistë të jashtëzakonshëm, po flas për ekipin tim, të cilët kanë përcaktuar rritjen e karakterit të ekipit tonë”.
“Kualifikimi në Ligën e Kampionëve na ka sjellë një stimulim të ri. Ka pasur kohë kur miqësia na ka bërë bashkë dhe tashmë kam një grup të rëndësishëm në mënyrë precize për ëktë arsye”.
“Kam biseduar me Perisicin, ai është i lodhur. Tash ai po pushon dhe do të na bashkohet shpejtë. Ai nuk më ka thënë shenja se dëshiron të largohet, njëjtë me Marion”.
“Është e qartë se ai do të rinovojë kontratën, por shenjat janë pozitive. Ata duhet të qëndrojnë këtu”, u shpreh Spalletti.
Interi këtë sezon do të marrë pjesë në Ligën e Kampionëve. /Telegrafi/