Interi nuk ka arritur më shumë se një barazim pa gola 0-0 ndaj Sassuolos në Giuzzeppe Meazza.
Skuadra zi kaltër ka vuajtur në këtë përballje dhe kësisoj në fund u desh të kënqej me një pikë.
Trajneri Luciano Saplletti ka thënë se ka ndeshja ndaj Sassuolos ishte e ndërlikuar dhe se skuadra e tij nuk shfaqi cilësitë që ka.
“Ka qenë një ndeshje e ndërlikuar, pasi Sassuolo është paraqitur shumë mirë”.
“Ata bënë një ndeshje të mirë, ndërsa djemtë në fushë nuk arritën të shfaqin aftësitë që kanë”, ka thënë Spalletti.
Italiani ka thënë se kapiteni Mauro Icardi është shërbyer shumë pak në këtë takim.
“Icardi nuk gjeti shumë hapësira në këtë takim, por e vërteta ishte se ai u shërbye pak dhe lëvizi pak”, përfundoi Spalletti.
Pas 20 ndeshjeve në Serie A, Interi zë vendin e tretë në tabelë me 40 pikë të tubuara. /Telegrafi/