Trajneri italian, Luciano Spalletti beson se Interi i tij është në rrugën e duhur pas fitores së djeshme (e diel) 2-0 ndaj skuadrës së inkuadruar këtë sezon në Serie A, SPAL-it.
Spalletti humbi zërin e tij gjatë ndeshjes, kështu që mungoi për intervistën e detyruar ndaj mediave pas ndeshjes pas fitores së Nerazzurrëve.
Megjithatë, Spalletti ka folur sot (e hënë) për media ku ka sqaruar situatën e tij, teksa ka theksuar se skuadra e tij është duke shkuar në rrugën e duhur.
“Kam humbur zërin tim dje dhe preferova të mos flas pas lojës”, ka thënë fillimisht Spalleti për Sky.
“Detyra ime është më e lehtë, sepse kur punoni me materiale cilësore, ju vetëm duhet të vendosni gjërat në rregull. Kur ju keni për të ndërtuar diçka nga e para ajo bëhet më e vështirë”.
“[Mauro] Icardi dhe [Ivan] Perisic janë lojtarë me kualitet të lartë dhe janë profesionistë të shkëlqyeshëm”.
“Ne jemi në rrugën e duhur dhe jemi duke punuar së bashku për të vazhduar përmirësimin, sepse për të shkuar aty ku të gjithë dëshirojnë të jemi ne duhet të jemi edhe më të fortë”, përfundoi italiani. /Telegrafi/