Southamptoni e ka përmbysur Interin në shtëpi pas avantazhit, duke fituar ndeshjen me rezultat 2-1.
Nerazzurët e nisën ndeshjen pa trajnerin De Boer dhe nën urdhërat të trajnerit të të rinjve.
Southampton kishte dominimin e fuqishëm, por goli i parë erdhi nga Interi.
Pas një tollovie në zonë dhe një rasti nga Perisic, ishte Icardi që u gjend më së miri për të shënuar nga topi i kthyer për 1-0.
Në fund të pjesës së parë u akordua një penalti për vendasit, të cilën e ndali për mrekulli Handanovic, pas goditjes së fortë të Dusan Tadic.
Super Handanovic vazhdoi me paraqitje të mirë edhe në fillim të pjesës së dytë, derisa Van Dijk shënoi për 1-1 (64’)
Vetëm gjashtë minuta më vonë, Nagatomo ndihmoi vendasit që të kalojnë në epërsi me rezultat 2-1, një gabim i japonezit ky, që ishte fundamental në rrjedhën e lojës.
Deri në fund të ndeshjes Interi tentoi që me zëvëndësuesit të gjejë golin e barazimit, por këtë nuk arriti ta realizonte dot.
Grupin K të Europa League e udhëheq Sparta Praga me nëntë pikë, pasuar nga Southampton me shtatë pikë dhe Beer Sheva me katër pikë. Inter është në fund me tri pikë, dhe e ka shumë të vështirë kualifikimin tutje në garën e dytë më prestigjioze të futbollit evropian. /Telegrafi/