Sot nga ora 11:00 do të vazhdojë seanca e Kuvendit të Kosovës, ku përveç tjerash do të shqyrtohen edhe dy projektligje që kanë të bëjnë me vazhdimin e mandatit të EULEX-it në Kosovë.
Ja rendi i ditës:
- Votimi i Raportit të Komisionit Rregullativ të Prokurimit Publik për vitin 2015,
- Votimi i Raportit të Agjencisë Kosovare të Pronës për vitin 2015,
- Votimi i Raportit të Këshillit të Pavarur Mbikëqyrës për Shërbimin Civil tëKosovës për vitin 2015,
- Shqyrtimi i Projektligjit nr. 05/L-102 për ratifikimin e marrëveshjes ndërkombëtare në mes të Republikës së Kosovës dhe Bashkimit Evropian mbi misionin e Bashkimit Evropian për sundim të ligjit në Kosovë,
- Shqyrtimi i Projektligjit nr. 05/L-103 për ndryshimin dhe plotësimin e ligjeve që ndërlidhen me mandatin e misionit të Bashkimit Evropian për sundimin e ligjit në Republikën e Kosovës.