Për sot në Gjykatën Penale është caktuar të mbahet seancë gjyqësore për rastin “Dhuna në Qendër” të Prokurorisë Speciale.
Rasti ndodhet në fazën e dëshmive dhe udhëhiqet nga gjykatësi Dushan Josifov, përcjell Telegrafi Maqedoni.
Kjo lëndë ka të bëjë me dhunën para Komunës Qendër në protestat e 10 qershorit të vitit 2013, ndërsa në mesin e të akuzuarve janë Nikolla Gruevski, Mile Janakieski, Daniella Rangellova, kryetari i atëhershëm i Komunës Qendër Aleksandar Trajkovski dhe tetë persona tjerë.
Ata dyshohen se kanë nxitur dhunën që ndodhi gjatë protestave para komunës.
Më herët në këtë lëndë fajin e kanë pranuar Tomisllav Llazarov dhe Jordan Ristevski dhe u dënuan me kusht./Telegrafi/