Interi pret në Frosinonen në kuadër të javës së 12 në Serie A, ku gabimi në këtë ndeshje do ta linte Juventusin lider në Serie A.
Skuadra e drejtuar nga Simone Inzaghi përballet me një skuadër e cila vjen në një moment të mirë pas dy fitoresh radhazi, ndërsa trajneri Eusebio Di Francesco i gëzohet edhe formës së mirë të dyshes shqiptare Marvin Çuni e Arijon Ibrahimovic.
Por, më speciale do të jetë sfida për portierin e Frosinones, Stefano Turati.
🔜 Mañana será un partido especial para Stefano Turati, arquero de Frosinone. Es fanático del Inter y estuvo presente en la pasada final de Coppa Italia. 🎯🇮🇹
🗣️ “Soy hincha del Inter, mi sueño es ser capitán del primer equipo”, declaró. pic.twitter.com/FBSMxEdXNc
— SSantiago (@FCIM_SS) November 11, 2023
Ky i fundit është një tifoz i vjetër i Interit, madje më datë 24 maj në ndeshjen e Kupës së Italisë ndaj Fiorentinës, sezonin e shkuar, 22-vjeçari ishte duke e ndjekur ndeshjen nga sektori i ultrasve zikaltër.
Nga tribuna në fushë, këtë herë detyra e shtrëngon gardianin që të paktën për një mbrëmje të jetë kundër skuadrës së zemrës. /Telegrafi/