Burime të Telegraf-it bëjnë të ditur se dy kandidatët e mundshëm për pozitë të kryeshefit ekzekutiv të PTK-së e për të cilët ka pasë edhe mospajtime brenda Bordit të drejtorëve të PTK-së të përbërë nga partitë në pushtet, LDK dhe PDK janë, Shyqyri Haxha i cili jeton dhe punon në Angli dhe Sabahudin Ramaxhiku, ushtrues detyre i drejtorit menaxhues të PTK-së.
“Nëse çdo gjë do të jetë në rregull me bordin e drejtorëve sa i përket mospajtimeve që kanë pasur, sot pritet emërimi i Kryeshefit ekzekutiv të PTK-së dhe ai do të jetë Shqyri Haxha”, thonë burime të Telegraf-it.
Ndryshe për pozitën e Kryeshefit ekzekutiv të PTK-së kanë konkurruar 44 kandidatë, ku vetëm 10 prej tyre kanë fituar të drejtën për të vazhduar garën.
Lista e ngushtë e kandidatëve të cilët janë ftuar për intervistë nga paneli intervistues i caktuar nga Bordi i drejtorëve të PTK-së është përbërë nga Sabahudin Ramaxhiku , Shqyri Haxha, Adnan Merovci, Isak Krasniqi, Genc Rraci, Ilirian Kuka, Besnik Krasniqi, Naim Maloku, Ahmet Xhikoli, dhe Mejdi Xhokli. /Telegrafi/