Kandidati republikan për president të SHBA-së, Donald Trump dhe ligjvënësit republikan kanë sulmuar guvernatorin e Minnesotës Tim Walz, kandidatin demokrat për zëvendëspresident, lidhur me trajtimin e trazirave në shtetin e tij pas vrasjes së George Floyd në vitin 2020.
Por, në një telefonatë me guvernatorët që përfshinin edhe Walzin, presidenti i atëhershëm, Trump vlerësoi lartë atë se si e trajtoi situatën ndërsa tha se ishte kënaqur me punë që po bënte.
Në audion e marrë nga CBS News, Trump dëgjohet duke thënë se “e di që guvernatori Walz është pranë telefonit. Ne folëm dhe jemi plotësisht dakord me mënyrën se si po e trajton rastin gjatë ditëve të fundit”.
Republikanët, duke përfshirë udhëheqësin e shumicës në Dhomën e Përfaqësuesve, Steve Scalise, e kanë akuzuar Walz-in për mosveprim gjatë trazirave, “Tim Walz është një radikal që i la rebelët të djegin Minneapolisin në vitin 2020”.
Unearthed audio: Trump tells Tim Walz in 2020 he is “very happy” with his handling of George Floyd protests: “I fully agree with the way he handled it… [Tim Walz is an] excellent guy”
(Trump is now trying to criticize Walz over the same issue) pic.twitter.com/5Ii1EhBZo4
— Kamala HQ (@KamalaHQ) August 7, 2024
Trump, në bisedën 58-minutëshe me guvernatorët, tha për Walzin se “ai është një djalë i shkëlqyer. Ju keni një Gardë të madhe Kombëtare atje që është gati të hyjë dhe të luftojë. Unë ju them, shumë mirë – çfarë ata bënë në Minneapolis ishte e pabesueshme. Ata hynë dhe dominuan dhe kjo ndodhi menjëherë”.
Trump ka thënë se ka dërguar forca, por Walz i kishte aktivizuar ato përpara se të bëhej telefonata.
Sipas audios së thirrjes, Walz gjithashtu ra dakord me Trumpin se fillimisht ishte e nevojshme të përdorej forca për të shuar trazirat, por ai argumentoi se hapi tjetër ishte të mundësonte vazhdimin e protestave paqësore.
Ndryshe, Walz ka shërbyer 24 vite në ushtrinë amerikane dhe ka trajnuar shumë ushtarë për luftën në Afganistan. /Telegrafi/