Nën përkujdesjen e presidentes së Kosovës, Vjosa Osmani dhe komunës së Drenasit, sot në orën 15:00 do të bëhet përurimi i shtatores së humanistit, mjekut dhe heroit të kombit Hafir Shala.
Shtatorja është e vendosur në oborrin e Qendrës Kryesore të Mjekësisë Familjare, e cila mban emrin e Hafir Shalës në Drenas.
Mjeku i UÇK-së Hafir Shala 23 vjet më parë është zhdukur në rrethana të panjohura dhe nga ajo kohë nuk dihet asgjë për fatin e tij.
Ish-presidenti i Kosovës Hashim Thaçi ka dekoruar në shkurt 2019, doktor Hafir Shalën me urdhrin “Hero i Kosovës”, për kontributin e jashtëzakonshëm gjatë luftës së UÇK-së, duke u kujdesur si mjek për ushtarët dhe popullatën civile në zonat e luftës.