Sot në Bruksel nis punimet konferenca ndër-parlamentare me temën: “Ndërveprimi i grupeve politike, partive dhe Qeverisë në procesin e anëtarësimit në BE”.
Në këtë konferencë do të marrin pjesë anëtarët e Parlamentit Evropian dhe anëtarët e parlamentit të vendeve kandidate për zgjerim të BE-së.
Pjesë e kësaj konference do të jetë edhe një delegacion nga Kuvendi i Republikës së Kosovës, me këtë përbërje: Xhavit Haliti, Sabri Hamiti, Pal Lekaj dhe Nenad Rashiq.
Kjo konferencë është organizuar nga: Njësia e Veprimit të Para-anëtarësimit e Parlamentit Evropian në bashkëpunim me Komisionin për Çështje Kushtetuese dhe grupet politike në Parlamentin Evropian.