Ambasada e SHBA-së në Maqedoni informon që Programi i vizave të Lotarisë 2018 fillon më 4 tetor 2016, e martë, në ora 18:00 dhe mbaron më 7 nëntor 2016, e hënë, në orën 18:00, njofton Telegrafi Maqedoni.
Aplikantët mund të plotësojnë formularin elektronik për regjistrim në faqen zyrtare www.dvlottery.state.gov, e cila përmban udhëzime të plota.
Ju lutemi vini re udhëzimet e mëposhtme:
· Për t’u regjistruar në programin e viza lotarisë nuk duhet të paguani taksë administrative.
· Pasi të keni përfunduar regjistrimin, duhet të ruani faqen tuaj të konfirmimit që të mund të kontrolloni statusin.
· Duhet ta ruani numrin unik të konfirmimit të paktën deri më 30 shtator 2018. Ky numër është mënyra e vetme përmes të cilës mund të kontrolloni nëse jeni perzgjedhur për lotarinë.
· Duhet të regjistroheni me një fotografi të re, të bërë mbrenda gjashtë muajve të fundit. Në rast se përdorni një fotografi të vjetër, do të diskualifikoheni.
· Mund të regjistroheni vetëm një herë.
· Duke filluar nga data 2 maj 2017, mund të kontrolloni nëse jeni të perzgjedhur.
· Stejt Departamenti nuk do t’ju kontaktojë përmes postës elektronike.
· Nëse merrni porosi përmes postës elektronike e cila thotë se jeni fitues i lotarisë, porosia është mashtrim./Telegrafi/