Të gjithë shqiptarët sot do të mbajnë sytë nga Rio, aty ku sportistja e vetme nga e cila kanë pritshmëri të larta, Luiza Gega do të garojë për 300 m/p, ndërsa atletja pohon se është gati.
Me gjithë problemin e saj në tendinë, që e ka lënë pas me stërvitjen Gega përmes një postimi në Facebook thotë se do japë maksimumin e saj.
“Gati për nesër. Dhe pse ndoshta jo në 100% të formës time pasi dëmtimi në tendinë mbas Kampionatit Europian me ka lenë pak mbrapa me stërvitjen speciale të pengesave, përsëri do jap maksimumin tim. Janë Lojërat e Para Olimpike për mua dhe dua ti shijoj në maksimum. Gjithsesi sporti për mua nuk mbyllet këtu, lojërat e ardhshme vijnë më shpejt se çi mendojmë dhe unë do të vi me synime shumë më të mëdha. Ndihem shumë me fat që kam një mbështetje shumë të madhe nga njerëzit ku urime pa fund akoma vazhdojnë të më vijnë”,- shkruan atletja.
Postimin e saj e shoqëron edhe me uniformën që do të ketë nesër në garën e saj 3000 m/p.
