Ikona e Juventusit, Alessandro Del Piero, gjatë karrierës së tij mbresëlënëse ka shënuar shumë gola të bukur dhe disa sosh kanë hyrë në histori.
Një nga golat më të bukur e ka shënuar pikërisht më 18 tetor të vitit 1995 kundër Rangers. Ishte ndeshja e fazës grupore të Ligës së Kampionëve, në të cilën Zonja e Vjetër luante si vendas.
Në minutën e 23-të u akordua një gjuajtje e lirë indirekte nga një kënd thuajse i pamundur, por jo për sulmuesin legjendar.
Del Piero ia doli që ta dërgonte topin në këndin tjetër të portës, transmeton Telegrafi. Juve e fitoi me rezultat 4-1 atë ndeshje.
Fabrizio Ravanelli i shënoi dy gola të tjerë për Bianconerët në atë ndeshje, ndërsa një gol e shënoi edhe Antonio Conte. Golin e vetëm për Rangers e realizoi Richard Gough.
Atë sezon (1995/1996), Juventusi e fitoi trofeun e Ligës së Kampionëve. /Telegrafi/
1995, #OnThisDay: la pennellata di @delpieroale nel 5-1 al Rangers FC in @ChampionsLeague ⚪️⚫️ #FinoAllaFine pic.twitter.com/lHC7oAnkCx
— JuventusFC (@juventusfc) October 18, 2016