Modeli i vërejtur në FCC, përkatësisht modeli i koduar si Sony D6603, i cili besohet se do të jetë Xperia Z3 e ka të listuar rrjetin LTE, teknologjinë NFC dhe mbështetjen për microSD , bashkë me rrjetet Wi-Fi, Bluetooth dhe GPS.
Raportet e mëhershme pretendonin se Xperia Z3 do të sjell vetëm pak ndryshime nga paraardhësi i tij, Xperia Z2 i cili është lansuar në fillim të vitit, me ekranin full HD, procesorin quad-core dhe kamerën e pasme me 20.7MP.
Përfundimisht, pritjet janë që Sony Xperia Z3 të prezantohet zyrtarisht në panairin e madh të IFA 2014 që mbahet në fillim të muajit shtator, në Berlin të Gjermanisë. /Telegrafi/