Sony merr vendimin e duhur, shtyn prezantimin e PlayStation 5 që do duhej të ndodhte nesër

Duhet pritur edhe për një kohë për ta parë PlayStation 5, megjithëse pritej me padurim që të shihej nesër më 4 qershor.

Aktiviteti që ishte paraparë të zhvillohej nesër, ku pritej të prezantohej kjo konsolë dhe disa video-lojëra, është shtyrë për katër korrik, transmeton Telegrafi.

Ky vendim po konsiderohet i duhuri, pas eskalimit të situatës në Shtetet e Bashkuara, pas mbytjes nga polici, të njeriut me ngjyrë George Floyd.

“Derisa e kuptojmë se lojtarët në mbarë botën, e presin me padurim prezantimin e PS5, nuk ndjejmë se për momentin është koha për festim, do të tërhiqemi prapa dhe të lëmë zëra tjerë që të dëgjohen”, thuhet mes tjerash në njoftimin e Sonyt në Twitter.

Në të njëjtën kohë, Sony i është bashkuar protestave kundër racizmit, ndërsa tha se i mbështet të gjithë lojtarët, kreatorët, punëtorët, familjarët dhe shokët me ngjyrë. /Telegrafi/