Sony njoftoi se shiti 2 milionë njësi PlayStation 5 tremujorin e fundit, duke e çuar totalin e tij në 19.3 milionë.
Sipas mediave të huaja, përcjell Telegrafi, kjo është dukshëm më e ulët nga i njëjti tremujor i vitit të kaluar kur shiti 3.3 milionë njësi.
Në përgjithësi, divizioni i saj i Shërbimeve të Lojërave dhe Rrjetit (GSN) fitoi 665 miliardë jen (5.1 miliardë dollarë) këtë tremujor, pak më shumë se vitin e kaluar.
Shitjet për të gjithë vitin 2021 ishin të sheshta, vetëm 2 për qind më shumë se 2020, dhe fitimet gjithashtu ndryshuan pak.
Këto shifra nënkuptojnë se PS5 po qëndron mbrapa edhe më tej pas PS4 në shitje, pasi tani ka shitur 3.1 milionë njësi më pak se PS4 në të njëjtën kohë. /Telegrafi/