Sonte (e shtunë) do të luhet finalja e madhe e turneut tradicional “Prishtina Tournament”.
Pritjes po i vjen fundi dhe tifozët e dashamirët e futsallit do të shohin sonte finalen e madhe të edicionit të tretë të turneut “Prishtina Tournament”.
Finalja mes ekipeve FC Orient Construction dhe FC Teo pritet të jetë emocionuese, me dy ekipet që do të ndeshen në Pallatinë e Rinisë dhe të Sporteve në Prishtinë, me fillim nga ora 19:30.
Në parket do të ketë duele të forta ndërmjet lojtarëve më të mirë të Kombëtares së Kosovës dhe Shqipërisë, duke shfaqë aftësitë e larta të tyre në sportin e futsallit.
Te FC Orienti Construction luajnë emra si Mentor Mejzini, Shefki Kameri, Ylli Mazreku, Jetmir Gashi, Fitim Krasniqi, Ermal Gashi dhe Kenan Orana.
Ndërsa në anën tjetër, te FC Teo në skuadër janë Bajram Ramadani, Ramadan Alaj, Halim Selmani, Jeton Rukovci, Loni Maxharraj, Behar Topalli, Malush Qerimi, Melos Kelmendi dhe Arif Limani.
Interesimi për këtë finale pritet të jetë i madh, ndërsa organizatorët kanë njoftuar se hyrja do të jetë falas. /Telegrafi/