Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.
Në këtë sondazh qytetarët janë pyetur për zhvillimet e fundit politike në vend.
Shumica e qytetarëve që kanë marrë pjesë në sondazh (69%) mendojnë se Qeveria Hoti nuk është e sinqertë për t’i ndihmuar qytetarët në pandemi. Deri diku e sinqertë mendojnë 23% e qytetarëve dhe shumë e sinqertë 8%.
Më shumë qytetarë (42%) mendojnë se as këtë javë nuk do të miratohet pako e rimëkëmbjes ekonomike. 26% mendojnë se këtë javë kalon Pako e rimëkëmbjes, derisa 32% nuk kanë mendim.
57% e qytetarëve të anketuar mendojnë se mos aprovimi i projektligjit për rimëkëmbje ekonomike është përgjegjësi e partive në pushtet, 11% e partive opozitare, ndërsa 32% mendojnë se kanë përgjegjësi të gjitha partitë.
Inicimin e mocionit ndaj Qeverisë Kurti, 48% e qytetarëve e shohin si gabimin më të madh të LDK-së ndërsa 17% e tyre, gabimin më të madh të LDK-së e shohin largimin e Vjosa Osmanit nga partia.
Bëhuni pjesë e sondazheve tjera – shkarkoni aplikacionin Pyper (iOS)
Bëhuni pjesë e sondazheve tjera – shkarkoni aplikacionin Pyper (Android)
Rezultatet e detajuara të sondazhit të Pyper i gjeni në grafikët e mëposhtëm.
