Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.
Në këtë sondazh qytetarët janë pyetur në lidhje me helmimet në Deçan.
Rreth 46% e qytetarëve të anketuar mendojnë se helmimet në Deçan mund të kenë ardhur nga ndonjë tjetër burim, e jo nga uji.
Mbi 20% e tyre mendojnë se helmimet në Deçan burim infeksioni kanë ujin. Derisa rreth 34% nuk kanë pasur përgjigje.
35.63% e qytetarëve mendojnë se institucionet nuk u mobilizuan me kohë në lidhje me situatën në Deçan. 35% mendojnë se reagimi institucional për këtë ngjarje ishte në kohë. Rreth 30% nuk kanë pasur përgjigje për këtë pyetje.
Rreth 75% e të anketuarve mendojnë se qeveria duhet t’i mbulojë shpenzimet mjekësore të personave që janë helmuar në Deçan. 10% e respodentëve mendojnë se qeveria nuk duhet mbuluar këto shpenzime. Rreth 15% nuk kanë pasur opinion për këtë pyetje.
Bëhuni edhe ju pjesë e sondazheve – shkarkoni aplikacionin Pyper (iOS)
Bëhuni edhe ju pjesë e sondazheve – shkarkoni aplikacionin Pyper (Android)
Rezultatet e detajuara të sondazhit të Pyper i gjeni në grafikët e mëposhtëm.
