Cristiano Ronaldo nuk do të nënshkruante për Manchester City këtë verë, sipas trajnerit të Manchester United, Ole Gunnar Solskjaer.
Agjenti i portugezit, Jorge Mendes, pati bisedime me një numër klubesh, dhe rivalët e qytetit të United ishin favoritët për të blerë portugezin derisa këta të fundit të fillonin negociatat për ta sjellë atë përsëri në Old Trafford.
Tifozët e United ishin të mërzitur për mundësinë e bashkimit të Ronaldos me Cityn, por Solskjaer ka hedhur poshtë sugjerimin se ishte ndonjëherë një mundësi.
Me Ronaldon duke u bërë gati për të bërë debutimin e tij të dytë për United në ndeshjen e tyre kundër Neëcastle të shtunën (sot) , norvegjezi u pyet nëse perspektiva e kalimit të sulmuesit në City kishte qenë “e frikshme”.
“Unë nuk mendoj se kishte ndonjë perspektivë për këtë”, u përgjigj ai.
I pyetur nëse Ronaldo mund të bashkohej me Cityn ndonjëherë, ai tha: “Unë nuk mendoj kështu.”
Mendes pati biseda me klube të ndryshme gjatë verës ndërsa klienti i tij shikonte për të siguruar një largim nga Juventusi, por në fund u rikthye te Djajtë e Kuq. /Telegrafi/