Trajneri Ole Gunnar Solskjaer ka këmbëngulur se mesfushori Paul Pogba nuk do të largohet nga Manchester Unitedi në afatin kalimtar të verës.
Mesfushori vazhdon të jetë i lidhur me një largim nga Old Trafford pasi Paris Saint-Germain raportohet se dëshiron reprezentuesin francez.
Pogba është në vitin e fundit të kontratës së tij me Unitedin dhe Solskjaer tha në korrik se klubi është në bisedime për ta lidhur atë me një marrëveshje të re.
Edhe pse Pogba nuk ka arritur një marrëveshje me Djajtë e Kuq deri më tani, Solskjaer nuk e sheh atë të largohet para se të mbyllet afati i transferimeve më 31 gusht.
“Po, unë pres që Paul të jetë këtu kur të vijë 1 shtatori”, ka thënë fillimisht Solskjaer për gazetarët.
“Nëse keni një kontratë pesëvjeçare ose një kontratë njëvjeçare, kur nënshkruani për Man Utd ju duhet të përballeni me sfidën e performancës në një nivel të qëndrueshëm”.
“Nuk jam i shqetësuar fare se kohëzgjatja e kontratës së çdo lojtari po ndryshon nivelin e motivimit dhe frymëzimit të tyre. Ju dëshironi të luani mirë për ekipin tuaj, shokët tuaj të skuadrës, veten, familjen tuaj, sa herë që luani”.
“Ajo që pres është që qëndrimi dhe qasja në çdo lojë është ajo e duhura. Se ne kemi të njëjtin fokus, fokusin e duhur, profesionalizmin e duhur dhe, me këtë, unë nuk kam asnjë shqetësim për Paulin”.
“Paul është duke shijuar futbollin e tij dhe e kam thënë shumë herë, puna ime është të sigurohem që po nxjerrim më të mirën nga Paul, Bruno dhe të gjithë lojtarët shumë të mirë që kemi brenda ekipit”, përfundoi norvegjezi. /Telegrafi/