Ole Gunnar Solskjaer i kishte bërë me dije bordi të Manchester Unitedit se e dëshiron vetëm transferimin e Jadon Sanchos.
Trajneri norvegjez nuk e dëshironte askënd tjetër përveç 20-vjeçarit, mirëpo tani ka hequr dorë.
Sipas mediave në Angli, Solskjaer tani ka dhënë dritën e gjelbër te bordi që të shikohen alternativa të tjera.
Borussia Dortmundi po kërkon 120 milionë euro për kartonin e Sanchos, derisa Unitedi nuk ofron më shumë se 100 milionë.
Nga kjo situatë e krijuar, skuadra gjermane ka bërë të ditur se ata nuk do e lejojnë largimin e lojtarit dhe do t’i rrisin pagën deri në dhjetë milionë euro në sezon.
Kështu, Djajtë e Kuq duhet të shikojnë alternativa të tjera për të transferuar një anësor për edicionin 2020/21. /Telegrafi/