Ole Gunnar Solskjaer beson se kualifikimi në Ligën e Kampionëve do të ndihmojë Manchester Unitedin të rekrutojë lojtarë të mirë.
Trajneri i Unitedit ka folur për ambiciet e tij për pjesën tjetër të sezonit, me Unitedin që është në betejë për të në pozitat tre ose katër.
Megjithatë, ekzistojnë katër skuadra që konkurrojnë për dy vende, që do të thotë se ata kanë shumë mundësi të mbesin jashtë katërshes.
Solskjaer mendon se kualifikimi i mundshëm në Ligën e Kampionëve për sezonin e ardhshëm do t’ju ndihmojë atyre në tërheqjen e lojtarëve.
“Manchester Unitedi, historia, tradita dhe potenciali ynë do të jenë gjithnjë interesante për lojtarët”.
“Por ne duhet të bëjmë më mirë, të marrim rezultate më të mira dhe pastaj lojtarët do të donin të vinin këtu”, ka thënë Solskjaer në konferencën e tij për shtyp. /Telegrafi/