Solskajer refuzon të flasë për transferimin e Bale

Ole Gunnar Solskjaer ka nënvizuar nevojën e Manchester Unitedit për të transferuar lojtarë cilësorë, por nuk dëshiron që të flasë për Gareth Bale.

Uellsiani ka vite që lidhet me një kalim te Manchester United, por Solskjaer nuk ka dashur të flasë specifikisht për të.

“Unë vërtet nuk mund të komentoj për Gareth Bale apo për emra tjerë specifikë pasi që ata janë në pronësi të klubeve tjera”.

“Por, ne duhet që të kërkojmë lojtarë cilësorë, definitivisht dhe lojtarë që mund të na përmirësojnë si ekip”.

“Ka kaq shumë faktorë për të cilët duhet që të mendojmë kur transferojmë lojtarë”.

“Nuk është e lehtë dhe nuk e di se kë do të marrim. Ne duhet të mendojmë për kohën që të jetë transferim që na përshtatet e të jetë affatgjatë. Kështu që ka shumë gjëra që duhet të mendojmë”, u shpreh Solskjaer. /Telegrafi/