Edhe pse Real Madridi nuk po kalon në një sezon të mirë në La Liga, Santiago Solari, ende shpreson te sukseset.
Tekniku argjentinas pas fitores 3-0 ndaj Alaves i ka siguruar tifozët se skuadra nuk do të ndalet së kërkuari fitoret deri në ndeshjen e fundit të sezonit.
Në xhiron e radhës Los Blancos do të jenë mysafirë të Atletico Madridit dhe me një fitore do ngjiteshin në vendin e dytë në kampionat.
“Do të përpiqemi për gjithçka, do të përpiqemi deri në ndeshjen e fundit të sezonit”.
“Sot mund të keni parë sa të uritur ishim, luftuam për të ngushtuar bashllëkun me Atleticon dhe ia kemi arritur”.
“Real Madridi nuk heq dorë kurrë, ne tregojmë uri. Gjithmonë dalim për fitore”, ka thënë Solari.
Aktualisht Reali renditet i treti në kampionat me 42 pikë, dy më pak se Atletico dhe tetë se Barcelona. /Telegrafi/