Trajneri i Ferizajt dhe profesori universitar Bylbyl Sokoli ka vlerësuar lartë paraqitjen e portierit të përfaqësueses së Kosovës Arijanet Muriçi.
Sokoli, në emisionin “Dueli Sportiv” në RTV Dukagjini ka thënë se fitorja e Kosovës është padyshim shumë e madhe duke përmendur disa elemente nga kjo ndeshje.
“Pashë një ndeshje dramatike me një fitore shumë të madhe. Pashë që publiku i Kosovës ishte më i zëshëm se i Bullgarisë. Pashë një festë me fanellën e Zenelit që tregon unitetin brenda grupit e kjo është shumë e rëndësishme për suksesin e skuadrës. Pashë një gol nga ndërprerja që është ndoshta pikë e dobët e Kosovës dhe pastaj rikthimin që tregon se Kosova nuk është rastësisht ekip që ka vlerë 70 milionë përballë Bullgarisë që ka skuadër 17 milionë”.
Trajneri i Ferizajt ka vlerësuar lartë edhe portierin e Kosovës, Arijanet Muriçi, për qetësinë e tij në menaxhimin e rezultatit edhe në momente të vështira.
“Qetësia e tij nuk ka ndoshta ndonjë ndikim të kundërshtari, por krijon një siguri të jashtëzakonshme te skuadra jonë…Ndeshja e tij ishte një kontribut shumë i madh i Kosovës”, tha ndër të tjera Bylbyl Sokoli./Telegrafi/