Një softuer i inteligjencës artificiale u përdor për ta bërë Lionel Messin të fliste deri në 10 gjuhë të ndryshme dhe të dëgjosh yllin e Paris Saint-Germain të flasë në anglisht ‘të rrjedhshëm’ është një pamje e frikshme.
Pavarësisht se ka lindur në Argjentinë dhe ka luajtur për Newell’s Old Boys, 35-vjeçari kaloi një pjesë të madhe të karrierës së tij duke luajtur në Barcelonë dhe jetoi në Spanjë me familjen e tij.
Messi shpesh dëgjohet duke folur në spanjisht për shkak të faktit se gjuha përdoret si në Argjentinë ashtu edhe në Spanjë.
Sipas Goal, shtatë herë fituesi i Topit të Artë flet rrjedhshëm edhe gjuhën katalanase dhe ‘supozohet që Messi nuk flet anglisht’.
Softueri video AI Synthesia përdori teknologjinë e tyre për të shfaqur Messin duke folur në gjuhë të ndryshme duke përdorur pesë minuta pamje nga kapiteni i Argjentinës.
Synthesia shtoi se krijoi një “përfaqësim sintetik” të Messit duke përdorur “algoritmet e tij të thella të të mësuarit”, të cilat e lejuan atë të fliste shumë gjuhë.
Një fans tha në përgjigje të pamjeve: “Të luash si një alien, tani tingëllon si një robot. Shume e frikshme!”.
“Kjo është çmenduri… së shpejti nuk do të mund të dallojmë të vërtetën nga ajo e rreme”, ka shkruar një tjetër tifoz.
Dikush tjetër komentoi: “Zoti im, ai tingëllon kaq bukur kur flet anglisht”.
Një i katërti shtoi: “Goja e tij duket kaq realiste me (bisedën) aktuale”.
Ndërsa një fans postoi: “Është bukur ta dëgjosh në anglisht”.
Messi më parë pranoi se kishte mësuar anglisht kur ishte i lidhur me Manchester Cityn, përpara largimit të tij nga Barcelona në vitin 2021.
Duke folur me Guillem Balague përpara zbulimit të tij në PSG , sulmuesi 35-vjeçar argjentinas tha se ai kishte “mësuar anglisht për një vit e gjysmë”. /Telegrafi/
