Xiamoi do të sjellë smartphonin e ri 5G dhe do të jetë më i liri që është bërë ndonjëherë dhe ai do të quhet Redmi K30 5G – pra do të jetë smartphoni 5G më i liri në treg deri më tash.
Xiaomi ka prezantuar këtë smartphone dhe mund të jetë një pikë referimi për smartphonet të vitit 2020. Redmi K30 vjen me një ekran 120 Hz, gjithsej gjashtë kamera, një procesor krejt të ri dhe një bateri më të madhe, transmeton Telegrafi.
Redmi K30 është duke u shitur në një version 5G dhe një version tjetër 4G. Modeli 5G vjen me procesorin e lëshuar së fundmi në mes të Snapdragon 765G, i cili u krijua posaçërisht për aplikacione lojërash.
Në total ka gjashtë kamera që janë në dispozicion të përdoruesve: katër në pjesën e pasme, dy në pjesën e përparme. Këto përfshijnë një lente me kënd shumë të gjerë dhe një lente makro.
Ekrani LC prej 6.67 inçësh ka një shpejtësi rifreskimi prej 120 Hz, një format prej 20:9 dhe një rezolucion prej 2400 x 1080 piksel.
Bateria ka një kapacitet 4500 mAh dhe mund të ngarkohet me 30 vat.
Modeli 5G i Redmi K30 ndoshta do të bëhet i pari smartphone më i lirë me këtë teknologji. Versioni më i vogël me 6 GB RAM dhe 64 GB hapësirë magazinimi shitet në Kinë për ekuivalentin e 256 eurove. Modeli më i lirë 4G i Redmi K30 vjen në ekuivalentin e 205 euro. /Telegrafi/
