Mbrojtësi i Manchester Unitedit, Chris Smalling ka zbarkuar në kryeqytetin italian për të finalizuar huazimin e tij një-sezonal te Roma.
Dje (e enjte) gjatë ditës u raportua për një transferim shokues të anglezit te Roma dhe sot si duket ky kalim është gati të zyrtarizohet.
Kjo pasi, Smalling tashmë ka arritur nga Anglia në Romë për të finalizuar transferimin e tij.
Mbrojtësi ka zbarkuar në aeroportin e Romës, Ciampino, të premten në mëngjes, duke mbajtur tashmë një shall të Giallorossëve.
Chris Smalling arrives in Rome https://t.co/chEbL13c96 pic.twitter.com/1ivEcoMi2B
— RomaPress (@ASRomaPress) August 30, 2019
Anglezi tani do t’i nënshtrohet testeve mjekësore përpara se të vendos stilolapsin mbi letër për huazimin e tij.
Edhe pse Roma nuk do të ketë mundësi blerje, ata do t’i paguajnë Unitedit tre milionë euro për ta marrë atë në një bazë të përkohshme. /Telegrafi/