Njohësi i çështjeve kushtetuese, Riza Smaka, vlerësoi se shumë shpesh është shkelë Kushtetuta nga liderët politikë të vendit, si nga Presidentja, ashtu edhe nga Kryeministri. Ai i identifikoi një nga një shkeljet që janë bërë.
“Kushtetutën e ka shkelë Presidentja kur e ka nis procedurën e vlerësimit të Asociacionin e Komunave Serbe si Komunitet në Kushtetuese”, tha ai, duke sqaruar se fjala komunitet është një nivel më i lartë se Asociacion, por që sipas tij, kjo është heq nga liderët politikë, të cilët e nënshkruan këtë marrëveshje.
“Kryeministri i ka bërë 23 shkelje, e as nuk skuqet, se le më me dhënë dorëheqje”, tha ai.
Duke diskutuar se Kushtetuta nuk e ndalon votimin ndaj vetës, Smaka tha se Pacolli dhe Sejdiu nuk e kanë shkelë Kushtetutën.
“Çdo gjë që nuk është shprehimisht e ndaluar është e lejuar. Ia shoh për të madhe që pak është ngut”, tha ai lidhur me zgjedhjen e Thaçit President, duke thënë se si para, si pas zgjedhjes, Thaçi i ka të garantuara votat nga partia e tij për tu zgjedhur President.
“Në ditën e votimit të Presidentit nuk kanë qenë 120 deputetë. Neni 86 i Kushtetutës presupozon me qenë më tepër se dy kandidatë, se në votimin e dytë shkojnë dy kandidatë që kanë vota më shumë. Kryeministri edhe para medieve ka shkuar të flas me deputetet e tij për të votuar Thaçin. Ai nuk është i thirrur për me i propaganduar deputetët”, përmendi Smaka si shkelje kushtetuese gjatë procesit të zgjedhjes se Thaçit president.
“Kushtetuta nuk është përfill. Sa e di unë, nesër ka me u dërguar në Kushtetuese procesi i zgjedhjes se Presidentit”, tha Smaka.
https://www.youtube.com/watch?v=LlJkA94W4Ys