Sllovakia e ka mposhtur Poloninë me rezultat 2-1 në Grupin E në kuadër të Kampionatit Evropian.
Sllovakët e filluan më mirë takimin, duke rrezikuar me anë të Robert Mak, që në minutën e 11-të lëshoi një goditje të fortë, mirëpo Wojciech Szczesny bëri pritej të shpejtë.
Por, në minutën e 18-të, Mak bëri sërish presion, duke bërë që portieri i Juventusit të fuste topin në portën e tij, derisa Sllovakia kaloi në epërsi.
Maviej Rybus (26’) i Polonisë lëshoi më pas një shans të artë, pasi dështoi të shënonte me kokë nga afërsia.
Sllovakia kishte po ashtu një rast të mirë, me Juraj Kucka që lëshoi një goditje jashtë porte.
Deri në fund të 45 minutave të parë, Polonia tentoi t’i barazonte shifrat, mirëpo nuk ia doli shkaku i një mbrojtje të ngjeshur nga sllovakët.
Pjesa e dytë filloi në favor të polakëve që shënuan golin e barazimit me anë të Karol Linetty në minutën e 46-të, për 1-1.
Mirëpo, Polonia ishte e pafat, pasi mbeti me dhjetë lojtarë në fushë, shkaku që Grzegorz Krychowiak (62’) pranoi edhe kartonin e dytë të verdhë.
Nga kjo epërsi numerike, Sllovakia shënoi për të rikthyer epërsinë e tyre.
Nga një tollovi e shkaktuar në zonën e polakëve, mjaftë mirë përfitoi Milan Skriniar, për të rikthyer epërsinë e ekipit të tij.
Deri në fund, dy skuadrat luanin me kujdes të shtuar, derisa sllovakët morën pikët e plota.
Në Grupin E, Sllovakia është lider me tre pikë, Spanja dhe Suedia takohen nga ora 21:00, derisa Polonia pa pikë. /Telegrafi/
Luani dhe fitoni shpërblime këtu >
Më shumë lajme nga kampionati Euro 2020 >