Skuadra e njohur gjermane, Freiburg njihet për rritjen e lojtarëve duke i marrë nga klube të vogla dhe duke ia shumëfishuar çmimet.
Rast i njëjtë është edhe me mbrojtësin turk, Caglar Soyuncu i cili po shkëlqen në Bundesliga.
Vetëm gjashtë muaj më parë, Freiburg e ka transferuar turkun nga skuadra e ligës së dytë Altinordu për 2,5 milionë euro.
Ndërkohë ai ka luajtur 16 ndeshje në Bundesliga duke rritur vlerën e tij në 10 milionë euro.
Mediat gjermane kanë raportuar se skuadrat e mëdha evropiane i janë vënë pas talentit turk.
20-vjeçari është duke u ndjekur nga dy gjigantët anglez Manchester United dhe Manchester City.
Në elitën futbollit italian, Roma është tejet e interesuar për djaloshin sa që ka dërguar skaut për ta parë nga afër.
Edhe Sevilla e Villareal e duan në Spanjë, ashtu si Monaco e Lille në Francë.
Mbetet të shihet nëse do të arrijë Freiburg ta mbajë xhevahirin e tyre pas interesimin të gjigantëve evropian. /Telegrafi/