Reshjet e borës që kanë mbuluar kryeqytetin e Kosovës, dikush i ka shfrytëzuar për rekreacion dhe rrëshqitje me ski.
Bjeshkatari, teniseri, skiatori dhe fotografi Arben Islami, përmes një foto në profilin e tij në Instagram ka treguar pamje nga skijimi në shtegun e paraparë për rrëshqitje në Parkun e Gërmisë.
Ai ka shkruar se përveç skijimit mes drunjve, ka pasur rastin sipas tij të skijojë edhe shtegun e paraparë për skijim në këtë park.
“Me pak investime mund të revitalizohet pa problem. Së shpejti me foto dhe video 28 shkurt 2018”, ka shtuar Islami.
Por, Islami gjatë tri ditëve të fundit – prej kur ka filluar rënia e borës – së bashku me entuziastë të skijimit dhe akrobacioneve nëpër borë, po e vazhdojnë traditën e promovimit të skijimit alternativ (free style dhe freeride) nëpër disa prej lagjeve të kryeqytetit.
Foto e realizuar në vitin 2012. /Telegrafi/