Skenat e tmerrshme nga Kina “vërshojnë” rrjetet sociale, nga coronavirusi njerëzit po rrëzohen nëpër rrugë

Coronavirusi që deri më tani ky mbytur mbi 20 persona në Kinë, ka fuqinë që të adaptohet, gjë që është më e vështirë të mbahet nën kontroll kjo epidemi, kanë paralajmëruar zyrtarë kinezë të shëndetësisë.

Drejtori gjeneral i qendrës kineze për kontroll dhe preventivë të sëmundjeve, Gao Fu, ka deklaruar se coronavirusi ka burimin në një treg ilegal të kafshëve të egra, transmeton Telegrafi.

Lexo po ashtu Pamje rrëqethëse nga tregu që solli coronavirusin, aty hanë gjarpërinj, koala dhe akrepa – shitësit punojnë në papastërti të madhe

Në anën tjetër Organizata Botërore e Shëndetësisë, ka marrë sot vendim që të mos shpallet gjendja e jashtëzakonshme në nivelin global për shkak të zgjerimit të këtij virusi.

Skena rrëqethëse nga Kina kanë filluar të shfaqen në rrjetet sociale. Njerëzit për shkak të këtij virusi kanë filluar të rrëzohen nëpër rrugë. Skena të ngjashme janë regjistruar në spitale. /Telegrafi/