Një kompani ruse ka nisur kontrolle të rrepta të punëtorëve pasi janë shtuar vjedhjet.
Ueb-faqja e specializuar “The Workers rights”, e cila merret me të drejtat e punëtorëve në botë, ka publikuar një video me përmbajtje shqetësuese.
Në pamjet e publikuara në internet shihen disa punëtore duke u zhveshur deri në të brendshme në magazinën e kompanisë ruse “Wildberries”.
Zyrtarët e kompanisë thonë se këtë e bëjnë për parandaluar vjedhjet, të cilat janë shtuar kohët e fundit.
“Kjo është shkelje e të drejtave themelore të njeriut dhe duhet të ndalet menjëherë”, njofton portali në përshkrimin e videos në YouTube.
Në komentet në rrjetet sociale thuhet se bëhet fjalë për versionin rus të Amazonit, kompani që shet mallra të ndryshme përmes internetit. /Telegrafi/