Mbrojtësi i Nacionalit, Juan Izquierdo, u rrëzua në fushë pa ndjenja në minutën e 84-të të ndeshjes së Copa Libertadores kundër Sao Paulos dhe mjekët e ndihmuan menjëherë për t’i dhënë ndihmën e parë.
Shokët e skuadrës u tronditën plotësisht nga ajo që i ndodhi 27-vjeçarit dhe shumë prej tyre shtrëngonin kokën.
Një ambulancë u desh të futej në fushë për ta transportuar sa më shpejt në spital lojtarin, ndërsa ndeshja është ndërprerë për dhjetë minuta.
Një video tronditëse që tregon momentin kur Izquierdo rrëzohet dhe një shok i skuadrës përpiqet ta mbajë është përhapur edhe në rrjetet sociale.
🇺🇾⚽🇧🇷 | El jugador uruguayo Juan Izquierdo, defensor del Nacional, se descompensó en pleno partido contra el São Paulo en el Morumbí, durante la Copa Libertadores. Actualmente, Izquierdo se encuentra en cuidados intensivos y lucha por su vida. pic.twitter.com/CrKN4LKX9t
— Carlos alberto Pedeaña villeras (@PedeanaCarlos) August 23, 2024
Pas ndeshjes mbërriti lajmi i mirë se futbollisti nuk ka pësuar infarkt, por ka pësuar aritmi.
“Juan Izquierdo pati një rrahje të çrregullt të zemrës gjatë ndeshjes kundër Sao Paulos”, njoftoi faqja zyrtare e klubit Nacional.
Nga spitali ka telefonuar edhe presidenti i klubit, Alejandro Balbi, i cili foli për gjendjen e lojtarit.
“E vunë nën qetësues dhe e stabilizuan. Është përjashtuar një atak kardiak, por me sa duket është një infarkt i lehtë”.
“Mjekët thonë se duke qenë se është sportist dhe i ri, ka shumë mundësi që gjithçka të kthehet në normalitet, por ne tani duhet të presim hapat e ardhshëm të të gjitha llojeve: neurologjike dhe kardiake, sipas asaj që na thanë mjekët”, tha Balbi për El Pais. /Telegrafi/