Skena dramatike nga Kalifornia: Uragani Hillary shkuli pemët, përmbyti rrugët

Pjesët jugore dhe jugperëndimore të Kalifornisë u goditën nga përmbytje, rrëshqitje gurësh dhe balte pasi Uragani Hillary goditi shtetin bregdetar.

Qendra Kombëtare e Uraganeve paralajmëroi se disa përmbytje mund të jenë “kërcënuese për jetën e njerëzve dhe katastrofike në nivel lokal”.

Lexo po ashtu Kaos në Kaliforni: Përveç stuhisë Hilary, shteti amerikan u godit edhe nga një tërmet

Hillary u forcua në një uragan të kategorisë 4 përpara se të dobësohej në një stuhi tropikale kur arriti në tokë të dielën.

Më pas u ul në një ciklon subtropikal herët në mëngjesin e së hënës. Sistemi pritet të shpërndahet më vonë gjatë ditës, por ende po prodhon reshje të mëdha shiu, përmbytje të konsiderueshme dhe erëra të forta në të gjithë Bregun Perëndimor të SHBA-së.

Përmbytjet kanë prekur tashmë shumë zona dhe janë raportuar rrëshqitje të shumta gurësh dhe balte.

https://twitter.com/observer888888/status/1693596527065973093

Hillary ishte stuhia e parë tropikale që goditi Kaliforninë Jugore në 84 vjet.

Ai hodhi më shumë se gjysmën e shiut mesatar vjetor në disa zona të shkretëtirës dhe malore, duke përfshirë Palm Springs, i cili pa gati 20 centimetra shi deri të dielën në mbrëmje.

Dhjetëra mijëra njerëz në të gjithë Kaliforninë Jugore ishin pa energji për shkak të stuhisë dhe Palm Springs humbi shërbimin 911 të dielën në mbrëmje.

Tornadot janë të mundshme sonte në Kaliforninë juglindore, në Arizonën perëndimore, në Nevadën jugore dhe në jugperëndim të Jutës, thanë parashikuesit. /Telegrafi/

https://twitter.com/observer888888/status/1693594158378930213

https://twitter.com/observer888888/status/1693597907109503147

https://twitter.com/CBKNEWS121/status/1693636087980159054

https://twitter.com/LilyShe87/status/1693620707219964170

https://twitter.com/CBKNEWS121/status/1693624201087746483