Policia në Washington është duke hetuar rastin, ku një kongresist republikan kishte tentuar të futet brenda Kongresit amerikan me revolen e mbushur, shkruan CNN.
Siç kanë bërë të ditur nga Capitol, kongresistit Andy Harris i cili haptazi mbështet idenë e lirisë së bartjes së armëve, i është zbuluar arma gjatë një kontrolle rutinore në hyrje të Kongresit, transmeton Telegrafi.
Harris, republikan nga Maryland, kishte tentuar të dorëzoj revolen kolegut të tij John Katk, i cili ka refuzuar ta bëjë një gjë të tillë me arsyetimin se nuk ka leje për bartje të armës, thuhet në kumtesë.
E disa kongresist republikanë që janë pro lirisë së mbajtjes së armëve – ishin habitur kur panë detektorin e metalit – e disa madje e kanë injoruar masat e reja të sigurisë.
Edhe pse këtë incident nuk ka dashur ta komentoj Harris e as Katko e policia, Reuters raporton se Harris në fund ka dalë nga Capitoli. /Telegrafi/