Partnerja e një ylli të Mallorcas ka pohuar se ajo dhe partnerët e disa lojtarëve të tjerë janë ngacmuar dhe ‘prekur pa pëlqim’ pas përplasjes së skuadrës së tyre në Superkupën e Spanjës kundër Real Madridit në Arabinë Saudite.
Superkupa e Spanjës u zhvendos në Arabinë Saudite në vitin 2020 dhe u bë një turne i zgjeruar me katër ekipe.
Real Madridi e fitoi ndeshjen 3-0 falë golave të pjesës së dytë të Jude Bellingham dhe Rodrygo, me Martin Valjent të Mallorcas që e futi topin në rrjetën e ekipit të tij.
Reali do të përballet me Barcelonën në finale, ku ajo përballje do të zhvillohet në King Abdullah Sports City, Jeddah.
Cristina Palavra – gruaja e yllit të Mallorcas, Dani Rodriguez – tha për gazetën spanjolle 7EsportsIB3 se tifozët vendas, të cilët po mbështesnin Real Madridin, “ngacmuan” atë dhe të dashurat e lojtarëve të tjerë ndërsa po largoheshin nga stadiumi, dhe i ka fotografuar ‘nga afër’.
Ajo shpjegoi: “Shkuam me fëmijët dhe nuk kishte siguri. E vërteta është se djemtë e këtij vendi filluan të na fotografonin nga afër dhe na ngacmonin, edhe Natalin, gruan e Dominik Greif”.
Një mbështetës i Mallorcas i cili ishte i pranishëm në stadium i tha El Partadizo de COPE se sigurimi :na ngatërroi me tifozët nga atje… dhe gjatë gjithë ndeshjes, shumë prej tyre po na shqetësonin, talleshin me ne, shqetësonin dhe provokonin fëmijët dhe të moshuarit”. /Telegrafi/