Në fabrikën austriake, “Voestalpine”, në Murzzuschlag, një mjek përdori të njëjtën shiringë për të vaksinuar disa njerëz.
Sipas “Kleinezeitung“, rreth 60 punonjës të një kompanie u prekën nga ky lëshim mjekësor gjersa ata tani duhet të testohen për HIV dhe hepatit.
Kompania e ngarkuar me vaksinimin, “Vamed”, shprehu keqardhje të thellë për këtë rast dhe njoftoi se do të insistonte në sqarimin e plotë të të gjitha rrethanave të kësaj çështje, dhe mjeku u pezullua përkohësisht deri në fund të hetimit.
Doktori i Qendrës së Mjekësisë së Punës “Vamed” duhej të vaksinonte punonjësit e “Voestalpine” kundër coronavirusit, por ky lëshim i ndodhi asaj.
“Voestalpine” theksoi se nuk ishte e qartë për ta se si mund të kishte lëshime në qendrën e vaksinimit në lidhje me cilësinë dhe higjienën.
Zëdhënësi i Vameda, Ludwig Bihler konfirmoi se ishin identifikuar boshllëqe në vaksinimin e disa personave. “Një kontroll i hollësishëm zbuloi se mjeku që kreu vaksinimin kishte keqpërdorur pjesërisht materialin e vaksinës”, shtoi Bihler. /Telegrafi/