Njoftimi për shitjen e biletave është publikuar edhe në ueb-faqen e BIBL-së, zyrtarët e së cilës shprehen shumë të kënaqur me interesimin, ndërkohë që janë shumë optimistë se atmosfera në ndeshjet e së premtes dhe të dielës do të jetë fantastike.
Megjithëse është hera e parë që Sigal Prishtina merr pjesë në këtë garë, ajo arriti që drejtpërdrejt të sigurojë pjesëmarrjen në ‘Final Four’, ndërsa në gjysmëfinale do të takohet me kampionin aktual, skuadrën izraelite, Galil Gilboa. Zyrtarët e Sigal Prishtinës deklarojnë se janë bërë të gjitha përgatitjet dhe presin që skuadra të japë me sukses provimin edhe në aspektin organizativ. /Tribuna/Telegrafi/