Juventusi është duke e bërë listën e ngushtë të portierëve që mund ta pasojnë Wojciech Szczesnyn në Allianz Stadium.
Kontrata e polakut është valide deri në fund të sezonit të ardhshëm (2023/2024), me opsionin e vazhdimit edhe për një vit.
Megjithatë, 32-vjeçari është ndër futbollistët më të paguar te Zonja e Vjetër (me rreth 13 milionë euro në sezon, sipas Tuttosport), ndërsa situata financiare e Juves është e paqartë për sezonin e ardhshëm.
Në rast se klubi detyrohet t’i ulë pagat, atëherë Szczesny do të jetë ndër të parët që do të sakrifikohen.
Bianconerët tashmë janë duke i monitoruar dy portierë italianë, Marco Carnesecchi (aktualisht i huazuar te Cremonese nga Atalanta) dhe Guglielmo Vicario (Empoli).
Nga ana tjetër, Mattia Perin do të mbetet portier i dytë, çfarëdo që ndodh, pasi kontrata e tij është valide deri në vitin 2025. /Telegrafi/