Caldwell Potter u bë kali më i shtrenjtë i garës ndonjëherë në ankand publik të hënën pasi u shit për 740,000 euro, me Sir Alex Ferguson një nga partnerët që bleu kalin.
Skocezi legjendar dihet se është një adhurues i madh i kuajve dhe blerja e Caldwell Potter mposht rekordin e mëparshëm për një kalë të shitur në një ankand Interconnected, i cili u ble nga Darren Yates në Doncaster në 2019 për 620,000 euro.
Ferguson mori pjesë në blerje në partneritet me Ged Mason, John Hales dhe Peter Done.
Ish-trajneri i Manchester United ka qenë prej kohësh adhurues i garave me kuaj dhe që kur u tërhoq nga futbolli, i është përkushtuar plotësisht pasionit të tij të madh.
Sir Alex Ferguson among consortium which beats record for most expensive jumps horse ever by spending £634,000 on Grade One winner Caldwell Potter 🐎
✍️ @DominicKing_DM https://t.co/I0LkML0Bt4
— Mail Sport (@MailSport) February 6, 2024
Ndryshe, Ferguson pranoi se gruaja e tij e ndjerë, Cathy, e cila vdiq në tetor 2023, nuk do t’i kishte miratuar shpenzimet e tij për kuaj, pasi skocezi në nëntor bleu dy kuaj tjerë, një nga Irlanda dhe një tjetër nga Franca për një tarifë prej 450,000 euro dhe 200,000 eurosh.
Ferguson, trajneri më i madh i të gjitha kohërave i Manchester United dhe sipas shumë opinioneve eksperti më i mirë i të gjitha kohërave, i udhëhoqi Djajtë e Kuq drejt 13 titujve të ligës dhe dy titujve të Ligës së Kampionëve. /Telegrafi/