Sinan Vllasaliu iu është përgjigjur pyetjeve në intervistën e shkurtë 60 sekondëshe në emisionin Prive.
Pyetjes se a ka bërë ndonjë gabim që nuk i falet, i është përgjigjur me: “Plot”. Hera e fundit kur ai ka qarë ka qenë në studio duke e kënduar këngën “Shpija e babës”.
“Shumë thonë që po, megjithatë nuk duhet të mendojnë njerëzit në bazë të pamjes”, ka thënë këngëtari kur është pyetur se a është mendjemadh.
Sinani nuk e ndien veten aspak të plakur, ndërsa sipas tij, kujt nuk i pëlqejnë vajza te bukura “Zoti e vraftë”.
Ai nuk është penduar që është martuar, ndërsa pyetjes provokuese se po të mos ishte i martuar me cilën figurë publike do ta kishte ndarë shtratin, Sinani i është përgjigjur: “Me Sabri Fejzullahun”.
Në videon e mëposhtme mund t’i dëgjoni përgjigjet e plota të këngëtarit:
Pikërisht “Shpija e babës” është ndër projektet e fundit muzikore të Vllasaliut që është pëlqyer shumë nga publiku dhe fansat e tij.
Ndërkohë që karriera e tij është shumë e gjatë, Sinani vazhdon të jetë shumë i kërkuar nëpër mbrëmje muzikore dhe ahengje familjare. /Telegrafi/
