Simpoziumi Ndërkombëtar Inter/Trans Disiplinar për Filozofi, Art dhe Teknologji “Filozofema” nisi edicionin e tij të dytë me prezantime të shquara nga studiues të fushës së filozofisë dhe teknologjisë.
Ndër figurat kryesore që folën gjatë ditës së parë ishin:
Maurizio Ferraris, i cili prezantoi temën “Inteligjenca Natyrore”, duke trajtuar konceptet thelbësore mbi rolin e inteligjencës në një botë të ndërlidhur me teknologjinë.
Taulant Gashi shtjelloi “Koekzistencën mes Gaia dhe teknologjisë”, duke diskutuar alternativën teknogaianiste dhe ndikimin e saj në bashkëveprimin mes natyrës dhe inovacionit teknologjik.
Laurin Mackowitz u fokusua në temën “Precizioni dhe Estetika Asketike e Afrofuturizmit”, duke ofruar një perspektivë unike mbi ndikimin e teknologjisë në estetikën kulturore.
Cécile Malaspina mbajti një diskutim intrigues mbi “Kthimin e të shtypurve”, duke lidhur zhurmën e artistit Rosacaeae me Hecubën e Kantit, përmes një lente filozofike dhe artistike.
Në ceremoninë e hapjes, morën fjalën gjithashtu Sibel Halimi, drejtoreshë e Kulturës në Komunën e Prishtinës, Bekim Baliqi, dekani i Fakultetit Filozofik, dhe Ridvan Emini, kryetari i Shoqatës së Filozofëve të Kosovës. Simpoziumi do të vazhdojë nesër me prezantime të tjera nga filozofë të njohur, duke filluar nga ora 12:30.
